Татарстанда янә эссе: һава температурасы +35 градуска кадәр күтәреләчәк

Республикада һава температурасы берникадәр кимегәннән соң эсселек кире кайта. Эш көннәрендә көндез температура +35 градуска кадәр җитәчәк. Ялларда яшенле яңгырлар көтелә.

Гидрометеоүзәк фаразына караганда, республикада иртәгәдән башлап бик эссе антициклон хөкем сөрәчәк. Дүшәмбе көндез термометрның терекөмеш баганасы +27…+32 градуска кадәр күтәреләчәк. Төнге сәгатьләрдә +12…+17. Чәршәмбе – 12 июньдә көндез һава температурасы +34 градус тәшкил итәчәк. Төнлә +17…+22.

Пәнҗешәмбе – 13 июньдә шундый ук һава саклана. Әмма көндезге сәгатьләрдә урыны белән кыска вакытлы яшенле яңгырлар явып узарга мөмкин. Җомга – 14 июльдә көндез +30…+35 градус. Урыны белән яшенле яңгырлар. Ял көннәрендә –15-16 июньдә дә яшенле яңгырлар булачак. Көндез бераз гына җиләсрәк +22…+27 градус.

Исегезгә төшерәбез: кыска эш атнасы бу. 12 июньдә (чәршәмбе) – Россия көнендә ял итәбез.


Фикер өстәү