25 июнь 2023 Яңалыклар

20 яшьлек спорт мастеры һәлак булган

Бокс буенча спорт остасы Александр Швалов юл-транспорт һәлакәтендә вафат булган. 20 яшьлек спортчының фаҗигале үлеме турында Байкал арты крае бокс федерациясенең рәсми төркемендә хәбәр иттеләр.

Үлем белән тәмамланган авария шимбә, 24 июньдә, Арахлейск күлләренә илтүче трассада Toyota Corolla автомобильләре һәм Jeep автомобиле бәрелешкәндә булган. Ике кешене ашыгыч ярдәм каретасы алып киткән, берсе һәлак булган, дип хәбәр ителә.

"Саша һәрвакыт безнең өчен үз эшенә чиксез тугрылык үрнәге булачак", - дип яза Байкал арты крае бокс федерациясе.

Яшь һәм талантлы боксчы Швалов - шәһәр, край, төбәкара һәм бөтенроссия ярышларында күп тапкырлар җиңүче һәм призер. 2022 елда ул «Россия спорт мастеры» спорт исемен алган.