Татарстанга янәдән килгән аномаль җылы һава торышы киләсе атна уртасына кадәр сакланачак. Бу хакта ТР Гидрометеорология үзәге хәбәр итә.
«Якын көннәрдә республикада һава торышы Төньяк киңлекләре буенча хәрәкәт итүче атлантик циклоннар йогынтысында формалашачак», — дип билгеләп үтә метеорологлар. Һава температурасы нормадан 10-13 градуска артып китәчәк.
Бүген Татарстанда һава +1 градуска кадәр җылыначак. 1 февральдә, шимбә көнне, 1 февральдә, термометр баганалары -7 градуска кадәр төшәчәк, ә көндез һава температурасы -5тән +1 градуска кадәр була. Атмосфера фронтлары аркасында юеш кар явачак, ә кайбер урыннарда буран һәм бозлавык булырга мөмкин.
Якшәмбе, 2 февральдә, республика территориясендә һава басымы артачак, шуның аркасында кар урыны белән генә явачак. Төнге сәгатьләрдә -7, аязган вакытта -12 градуска кадәр салкын булуы көтелә. Тәүлекнең якты вакытында һава температурасы -5 градустан 0 градуска кадәр була.
Татарстан синоптикларының якынча фаразына караганда, дүшәмбе һәм сишәмбе, 3 һәм 4 февральдә, аномаль җылы һава торышы саклана. Көндезге сәгатьләрдә һава температурасы 0дән +3 градуска кадәр тәшкил итәчәк. Төньяк-көнбатыш циклонының атмосфера фронтлары юеш кар һәм яңгыр алып киләчәк.
