12 июньдә Казан Россия көнен бәйрәм итүгә кушылачак. Шәһәрдә төрле тематик акцияләр планлаштырылган, аларда халык хәзер үк катнаша ала.
8 июньдә Казанда Россия көненә һәм Бөтендөнья донор көненә багышлап донор акциясе старт алды. Акциянең беренче көнендә Казан катнашучылары 38 литр кан тапшырганнар. Акция Республика кан үзәгендә «Игелекле Казан» хәйрия проекты ярдәмендә барлык санитар-эпидемиологик нормаларны үтәп уздырыла. DonorSearch.org акциядә катнашучылар өчен сайтта теркәлү узарга кирәк.
8 июньнән балалар һәм яшьләр эшләре комитеты һәм Казан яшьләр үзәгенең Instagram аккаунтларында А. Гайдар Россия көненә багышланган онлайн-программа турында мәгълүмат бастырыла. Чаралар арасында – #МЫРОССИЯ, «Гражданлык имтиханы» флешмобы, Бөтенроссия милли гимнын башкару, Russiandance халыкара флешмобы, «Россия-туган почмак» конкурсы, «Гаилә өчен, Ватан өчен, Россия өчен» хор акциясе, «Кече ватанымнан Россия башлана» акциясе уздырыла.
«Ышаныч» үзәге 8 июньнән 12 июньгә кадәр патриотик тематикада онлайн-фильмнар күрсәтү сериясен уздыра. Шулай ук оешма «Кече ватанымнан Россия башлана» онлайн-акциясенә дә кушылачак.
11 июньдә Татарстан башкаласында «Россияне яратам» акциясе старт ала, аның кысаларында 7 мең триколор тасма тарату планлаштырыла. Ике көн дәвамында 11.00 сәгатьтән 13.00 сәгатькә кадәр һәм 14.00 сәгатьтән 16.00 сәгатькә кадәр волонтерлар казанлыларга Бауман урамында бүләк итәчәк.
12 июньдә шәһәрнең яшьләр сәясәте учреждениеләре, шул исәптән яшүсмерләр клублары, #Окнароссия һәм #Флагироссия флешмобына кушылачак. Милли флаглар 2-нче Газ ур., 5, 3-нче Кленовая, 23а, Арсланов ур., 11, Восстание ур., 38, 59а, 99а, Гаврилов ур., 22, Гагарин ур., 77б, Годовиков ур., 16, Горький шоссесы, 43, Академик Губкин ур., 4, Гудованцев ур., 45а, Державин ур., 3/3, Зәкиев ур., 25, Латыш укчылары ур., 25, Ломжа ур., 15, ур. Мәүлетов ур., 21, 72, Кече Мәскәү ур., 15, Моторная ур., 31а, Окольная ур., 94, Побежимов ур., 53, Рәхимов ур., 23, Симонов ур., 6, 17, Химиклар ур., 35, Чуйков ур., 27, 59а.
Шулай ук 12 июньдә Казан стрит-арт Бөтенроссия фестивалендә катнашачак. Бу көнне Татарстан урамы 64 адресы буенча урнашкан торак йорт фасадындагы проектны тәмамлау планлаштырыла. Урам рәссамнары инде татар шагыйре Габдулла Тукайның портретын ясый башладылар. Моннан тыш, Россия көнендә шәһәр ишегалларының берсендә «УРАМ» берләшмәсе вәкилләре шагыйрь әкиятләре геройларын: Шүрәле, Су Анасы һәм башкалар сурәтләячәк. Оештыручылар-«Мәдәни инициативаларны үстерү үзәге» АКБО, «Таврида» АРТ-кластеры, ТР Яшьләр эшләре министрлыгы һәм «Иске шәһәр» префектурасы, дип хәбәр итә балалар һәм яшьләр эшләре комитеты.
