Бүген Татарстан Президенты Рөстәм Миңнеханов Ватаныбыз Геройлары көнендә Социалистик Хезмәт Герое Илдус Мостюковның өенә килеп, геройны бәйрәм уңаеннан шәхсән үзе котлап киткән.
Президент Социалистик Хезмәт Геройларына, Хезмәт Даны орденының тулы кавалерларына һәм Россия Федерациясе Героена Татарстан Республикасы социаль-икътисади үсешенә зур өлеш керткән һәм актив иҗтимагый эшчәнлек алып барган өчен “Татарстан Автономияле Совет Социалистик Республикасы оештырылуга 100 ел” медальләрен тапшыру турында Указга кул куйган.
