Татарстанда таксистны күкрәгенә пычак белән сугып үтерәләр, хастаханәдә җан бирә. Бу хакта республиканың Тикшерү комитеты матбугат хезмәтендә хәбәр иттеләр.
Башлангыч мәгълүматларга караганда, таксист Азнакайдан Бөгелмәгә исерек ике пассажир алып килгән. Сәфәр ахырында алар юл өчен түләүдән баш тарткан, алар арасында ызгыш башланган. Сугыш вакытында бер пассажир таксистның күкрәгенә пычак белән кадаган.
Яраланган ир качарга омтыла, әмма ул аңын югалтып егыла. Һөҗүм итүчеләр автомобильдән кыйммәтле әйберләрне алып, аны яндырып качарга маташалар.
