Мисырда Татарстан көннәрен уздыру теләге бар. Бу хакта зур матбугат очрашуы вакытында Татарстан Президенты әйтте.
Мисырдагы журналист белән онлайн кушылу вакытында, чит илдәге милләтәшебез республиканың Якын Көнчыгыштагы активлыгы турында сорашты.
— Мисырга карата кызыксынуыбыз зур. Татарстан көннәрен анда уздырырга да ният бар. Онлайн түгел, очрашып оештырасы килә. Бу планнарны пандемия бозды, — диде Рөстәм Миңнеханов.
