Яңа ел алдыннан Нурлат ЗАГС бүлегендә 2020 елда гына түгел, соңгы биш елдагы иң оля яшьтәге пар никахларын теркәделәр. Таһир Гәрәй улы Мөхәррәмовка 84 яшь, аның кәләше Минсәрия Мингатин кызы Гатинага 82 яшь.
«Күпләр яше турында әйтә… ә бит никах өчен яшь мөһим күрсәткеч түгел. Төрле сынаулар аша килгән тормыш тәҗрибәсен китаптан укып өйрәнеп булмый», — ди Нурлат ЗАГС бүлеге җитәкчесе Лилия Гомәрова.
