Татарстанда М7 трассасында күз күреме начар булу сәбәпле 15 автомобиль һәлакәткә юлыккан. Бу хакта Татарстан Эчке эшләр министрлыгының матбугат хезмәте хәбәр итте.
Берьюлы 15 автомобиль катнашындагы җиде юл-транспорт һәлакәте М7 трассасының 916нчы чакрымында булган.
Кичә 13:30лар тирәсендә йөк машинасы йөртүчесе куркынычсыз дистанцияне сайламау сәбәпле һәм «Фольксваген»га бәрелешкән. Шуннан соң йөк машинасы тагын тагын берничә машинага бәрелгән.
Бәхеткә, зыян күрүчеләр юк.
