Виноградның барлык файдалы сыйфатлары кипкән җимештә дә саклана.
Без яратып ашаган йөземнең киптерелгән виноград булуын белмәүче кеше аздыр. Ә менә бу кипкән җимеш виноградның барлык файдалы сыйфатларын, ягъни 70–80 процент витаминнарын һәм 100 процент микроэлементларын саклавын күпләр белмидер әле.
Йөземне нерв системасын ныгыту, тынычландыру өчен, хәлсезлектән, ашказаны-эчәк юллары бозылганда, йөрәк һәм бавыр авыртканда кулланалар. Бу җимешнең иммунитетны күтәрүгә, анемия вакытында файдасы бар.
