Менделеевск районында полиция хезмәткәрләре тәртип бозуны булдырмый калган. 16 июнь төнендә районның юл-патруль хезмәткәрләре ВАЗ-2109 автомобиленә игътибар итә.
Туктатырга теләгәч, машина йөртүче автомобиль тизлеген арттырып, качып китмәкче була. Берничә тапкыр юл йөрү кагыйдәләрен боза. Шуннан соң ЮХИДИ экипажы машинаны эзәрлекли башлый.
Транспорт чарасын туктатканнан соң, машина йөртүченең исерек булуы ачыклана. Шул арада аның дуслары да килеп җитә. Алары исә үзләрен агрессив тоталар, полиция хезмәткәрләренә кул күтәрәләр һәм коралларын алмакчы булалар. Шуннан соң инспекторлар корал кулланырга мәҗбүр була. Нәтиҗәдә, машина йөртүченең аягы яраланып, хастаханәгә озатыла. Бу хәл буенча җинаять эше ачыла.
