Россия Президенты Владимир Путинны аның Төньяк сугыш турындагы нотыгы барышында төзәткән укучы үпкәләтмәгән, ә, киресенчә, дәүләт башлыгын шатландырган. Бу хакта Путин Көнчыгыш икътисадый форумында сөйләде.
«Ә нигә бу миңа үпкәләтергә тиеш? Киресенчә, бу мине шатландыра гына ала. Яшь егетләр Ватаныбыз тарихын яхшы беләләр. Мин шат кына», — диде Путин.
1 сентябрьдә дәүләт башлыгының «Океан» Бөтенроссия үзәгендә укучылар белән очрашуы вакытында Владивостокта укучы Путинны төзәтте, Президент Төньяк сугышны Җидееллык сугыш белән бутады.
Шуннан соң Воркутадагы 35 нче мәктәп директоры Юлия Рябцева, анда Путинны төзәтеп җибәргән малай укый, укучы моңа яшьләргә хас булган билгеле бер оятсызлык аркасында батырчылык итте, дип белдерде.
