Россия Президенты Владимир Путин Пермь университетындагы фаҗигадә һәлак булучыларның туганнарының кайгысын уртаклашты.
«Президентка Пермьдә, университетта, булган хәлләр турында җиткерелде», — дип хәбәр итте журналистларга дәүләт җитәкчесенең матбугат сәркатибе Дмитрий Песков. Бу хакта РИА Новости яза.
«Президент әлеге фаҗига аркасында үзләренең туганнарын һәм якыннарын югалтканнарның кайгысын уртаклаша», — диде Песков.
Владимир Путин Хөкүмәт рәисе Мишустинга министрлар (Валерий) Фальков һәм (Михаил) Мурашконы фаҗига аркасында һәлак булганнарның туганнарына ярдәм күрсәтү өчен Пермьгә җибәрергә күрсәтмә бирде, дип хәбәр итте Дмитрий Песков.
