Кичә социаль челтәрләрдә Казан үзәгендә парфюмерия кибетенә бер ир-атны кертмәгәннәре турында мәгълүмат барлыкка килде. Шуннан соң ул персоналга ату оештыру белән яный башлаган, соңыннан качкан.
Билгеле булганча, ир-атны QR-код булмау аркасында кибеткә кертмәгәннәр.
Россия Эчке эшләр министрлыгының Казан буенча идарәсе матбугат хезмәтендә хәбәр итүләренчә, ир-ат тоткарланган.
«Полиция хезмәткәрләре булган хәлнең барлык шартларын билгеләүгә юнәлдерелгән чаралар үткәрә», — дип ачыклык керттеләр идарә матбугат хезмәтендә.
