Бүген республикакүләм “Эколидер” бәйгесенә нәтиҗә ясадылар.
Ел буе экология сагында торган, яшелләндерү эшләрендә актив катнашкан оешмаларны, балалар бакчалары, мәктәпләрне, студентларны, актив гаиләләрне, журналистларны тәбрикләделәр. “Ватаным Татарстан” журналисты Гөлгенә Гыйльманова “Басма матбугаттагы иң яхшы язма” номинациясендә беренче урынны алды. Хезмәттәшебезне чын күңелдән котлыйбыз!
