Татарстанның нефть-газ химиясе комплексының төп предприятиеләре 2021 елда җитештерүне 6,8% ка арттырганнар. Бу хакта «Татнефтехиминвест-холдинг» ААҖ Директорлар советында компаниянең генераль директоры Рафинат Яруллин хәбәр итте. Утырыш Татарстан Республикасы Президенты Рөстәм Миңнеханов рәислегендә узды.
2021 елда нефть-газ химиясе предприятиеләре республиканың берләштерелгән бюджетына 87 млрд. сум тирәсе түләгән — 2020 елга караганда 61% ка үсеш. «Татнефть» табышы һәм кеременең 2020 ел белән чагыштырганда үсеше фаразлана. «Түбән Кама нефть химиясе» һәм «Казаноргсинтез» – табышка салым исәбенә, ә «ТАИФ-НК» – мөлкәткә салым хисабына салым түләүләре үсешенең югары темпларын күрсәтте.
Ачык төстәге нефть продуктлары, юу чаралары һәм пластмасса эшләнмәләрен чыгару үсеше дәвам итте. Химия һәм резина продукциясен җитештерү яңадан торгызыла. Нефть чыгару өлешчә 2020 елда ОПЕК + чикләүләре йомшарган шартларда кимегән.
«Татнефть» 2021 елда 27 млн.529 мең тонна нефть чыгарган, 2020 елга карата 7% үсеш белән. Шул исәптән югары үзле нефть чыгару 3,5 млн тоннадан артып киткән. «ТАНЕКО» чималны эшкәртүне 9,6% ка арттырды. Нефть эшкәртү комплексы узган елда 7 яңа җайланманы сафка кертте. Быел автобензиннарның еллык чыгарылышын – 1,5 млн. нан 1,8 млн. тоннага кадәр, дизель ягулыгын — 5,8 млн. нан 7,5 млн. тоннага кадәр арттыру планлаштырыла.
«Татнефть» нең шин комплексы 2021 елда 12 млн.нан артык шина җитештергән. Узган ел белән чагыштырганда үсеш җиңел һәм җиңел йөк машиналары җитештерүне торгызу хисабына 8,6% тәшкил иткән.
Ел нәтиҗәләре буенча «Нижнекамсктехуглерод» 2018-2019 елларда җитештерү күләмен киметкәннән соң, кире торгызды һәм 136 мең тонна техник углерод җитештерде.
2021 елда дөньяда ихтыяҗ арту фонында энергия ресурсларының бәясе артты. Чимал, энергия һәм логистикага зур чыгымнар беренче яртыеллыкта пластикларның бәясен тиз арада арттыруга китерде. Икенче ярты еллыкта минераль ашламалар 2 тапкырдан артык кыйммәтләнде.
