Россия Авыл хуҗалыгы министрлыгы икмәк пешерүчеләргә ярдәм итү өчен җитештерү чыгымнарын каплауга субсидия бирәчәк.
Бу хакта авыл хуҗалыгы министрының беренче урынбасары Оксана Лут Татарстан Авыл хуҗалыгы һәм азык-төлек министрлыгы коллегиясе утырышында белдерде. Аның әйтүенчә, хәзерге вакытта икмәк бәяләре үсү күзәтелә. «Узган елда без 1 килограмм икмәккә 2 сум түләсәк, быел 2,5 сум бирәчәкбез», – диде Лут.
Хәзер бу җәһәттән карар әзерләнелә. Субсидия төбәкләргә март ахырында килеп җитәчәк.
