Республика клиник хастаханәсендә югары технологияле медицина үзәге пәйда булачак. Бу хакта сәламәтлек саклау министры Марат Садыйков хәбәр итте.
Яңа бинада органнарны күчереп утырту һәм катлаулы башка операцияләр ясау өчен бөтен шартлар тудыру күздә тотыла. Үзәк бинасын проектлау турында карарны Президент Рөстәм Миңнеханов 12 май көнне – халыкара шәфкать туташлары көнендә кабул итте.
