Кукмара районының Әсән-Елга авылында 5 яшьлек бала машинадан егылып, тәгәрмәч астына эләккән. Аның гомерен саклап калу өчен Казан табиблары көрәшә.
«Киа» руле артында 33 яшьлек хатын-кыз булуы мәгълүм. Бала автокреслода арткы утыргычта утырган һәм аның куркынычсызлык каешы эләктерелмәгән булган. Бер мизгелдә ул ишекне ачып, машинадан төшкән һәм тәгәрмәч астына эләккән.
Башта баланы Кукмара хастаханәсенә салганнар, соңрак аны Казанга китергәннәр. Зыян күрүченең хәле турында әлегә төгәл мәгълүмат юк.
