Бүген Лаеш районының Имәнкискә авылындк һәм Столбище бистәсендә «Чишмә» дип атала торган чиста су алу пунктлары ачылды.
Әлеге пунктны мәчет янында төзегәннәр. Имәнкискәдәге «Чишмә» ачылышында район башлыгы Илдус Зарипов та катнашты.
— Бу — федераль программа да, республика программасы да түгел. Бу — тырыш эшмәкәр егетләребезнең халыкны чиста сулы итү өчен куйган хезмәт чимеше. Бик зур рәхмәт аларга! «Чишмә»нең мәчет янында ачылуы аның суын тагын да шифалы итә, — диде ул.
Мондый «Чишмә»ләр Габишево, Усады, Сокуры авылларында да бар. Әлеге проектны реабилитация һәм адаптация үзәге генераль директоры, Татарстанның Иҗтимагый палатасы вәкиле Азат Гайнетдинов башлап җибәргән.
