Татарстан Президенты Рөстәм Миңнеханов Гагаузия (Молдова) автоном-территориаль берәмлеге башлыгы Ирина Влах белән очрашу барышында Республика һәм Гагаузия арасында хезмәттәшлекне ныгыту турында фикер алышты.
Сәүдә-икътисадый элемтәләрне үстерү, агросәнәгать секторында, медицинада, ИТ хезмәттәшлек, делегацияләр алмашу һәм уртак мәдәни проектларны гамәлгә ашыру мәсьәләләре кузгатылды.
Влах шулай ук Татарстан көне уңаеннан оештырылган чараның кунагы булачак. Моннан тыш, Гагаузия башлыгы Республиканың ишегалларын төзекләндерү, җәмәгать киңлекләрен һәм яшьләр инфраструктурасын үстерү тәҗрибәсе белән танышырга, шулай ук «Адымнар» полилингваль комплексына һәм «21 нче мәктәпкә» барачак.
