Россия Президенты Владимир Путин якын арада Куркынычсызлык советы белән киңәшмә үткәрәчәк. Бу хакта журналист Павел Зарубин үзенең Telegram-каналында хәбәр итте.
Аның сүзләренчә, Россия дәүләте башлыгының РФ Куркынычсызлык советы белән киңәшмәсе якындагы көннәрдә узачак.
РФ президентының Куркынычсызлык советы әгъзалары белән алдагы киңәшмәсе 10 октябрьдә булды. Путин Куркынычсызлык советына Кырым күперендәге терактны тикшерү турында әмер бирде, шулай ук Киев режимы ягыннан террорчылык җинаятьләренә җавап итеп Украинаның инфраструктура объектлары буенча югары төгәллекле коралга массакүләм һөҗүм ясау турында белдерде.
