Бүген Татарстан Республикасы Президенты Рөстәм Миңнеханов Ашхабадта 2023 елның 19 һәм 20 гыйнварында уза торган Төрекмән-Россия бизнес-форумында катнашучыларга сәламләү сүзе белән мөрәҗәгать итте.
Форум ике яклы сәүдә-икътисадый һәм сәнәгать хезмәттәшлеген тирәнәйтү өчен уздырыла, барыннан да элек, ике илнең эшлекле даирәләре һәм оешмалары арасында. Бизнес-форумда дәүләт оешмаларыннан һәм шәхси компанияләрдән 300дән артык вәкил катнаша.
Россия делегациясе составында Төрекмән башкаласы Ашхабадка РФ Президенты администрациясе һәм Федераль Собрание Дәүләт Думасы, шулай ук Россия Экспорт үзәге, Сәүдә-сәнәгать палатасы, Мәгариф министрлыгы, Авыл хуҗалыгы министрлыгы, Транспорт министрлыгы, Төзелеш министрлыгы, Икътисадый үсеш министрлыгы, Сәнәгать министрлыгы вәкилләре һәм башкалар килгән.
Рөстәм Миңнеханов Россия Хөкүмәте Рәисе Михаил Мишустинга һәм Төрекмәнстан Президенты Сәрдар Бердымөхәммәтовка Төрекмән-Россия форумын ачуда катнашу мөмкинлеге һәм уртак проектларны гамәлгә ашыруда ярдәм итүе һәм төбәкара элемтәләрне үстерүгә зур игътибар бирүе өчен рәхмәт белдерде.
Татарстан, Россия Федерациясенең сәнәгать өлкәсендә алдынгы төбәкләренең берсе буларак, безнең илләр арасында хезмәттәшлекне үстерүдә актив катнаша, дип ассызыклады Рөстәм Миңнеханов. Ул искәрткәнчә, Төрекмәнстанда күп еллар дәвамында безнең әйдәп баручы компанияләр – «КАМАЗ», «Татнефть», Казан вертолетлар заводы, КЭР-холдинг, суднолар төзү компаниясе һәм башкалар уңышлы гына эшләп килә. «Контрактлар һәм автомобильләр («КАМАЗ») буенча үтәлгән, Төрекмәнстанның Төрекмәнбашы, Мара, Төрекмәнбате шәһәрләрендә автоүзәкләр ачылган, моннан тыш, быел Дашогузда тагын бер автоүзәк ачылырга әзерләнә. Алга таба яңа проектлар ачу буенча эш алып барыла», — дип ассызыклады Рөстәм Миңнеханов.
КВЗ белән хезмәттәшлеккә килгәндә, Төрекмәнстанга халыкка кичекмәстән ашыгыч ярдәм күрсәтү өчен билгеләнгән «Ансат» медицина вертолеты китерелгән.
Зеленодольскның Горький ис. заводы Төрекмәнстанга тиз йөрешле пассажир судноларын китергән, аннары контейнеровоз төзү буенча планнар бар.
КЭР-холдинг газ турбинасы двигательләре мәсьәләләре буенча Төркмәнстан партнерлары белән хезмәттәшлек итә.
«Нефть разведкасы, нефть чыгару, газ транспортлау юнәлешләрендә элемтәләрне үстерү өчен зур мөмкинлек бар. Автомобиль, авиа-, суднолар төзелеше, энергетика, химия продукциясе, фармацевтика һәм медицина, агросәнәгать комплексы һәм башка бик күп юнәлешләр белән тәэмин итү», — дип билгеләде Татарстан Президенты.
2021 елда безнең товар әйләнеше күләме 77,5 млн. доллар тәшкил итте, диде Рөстәм Миңнеханов, кызганычка каршы пандемия һәм башка шартлар товар әйләнеше күләмен киметте, әмма аның үсеше буенча актив эш дәвам итә.
«Мин Казанда уңышлы эшләп килүче Генераль консуллыкны ачу өлешендә Төрекмәнстан җитәкчелегенә рәхмәт белдерәсем килде. Ашхабадта Татарстан Республикасы вәкиллеге эшли. Әлбәттә, мин Төркмәнстан белән турыдан-туры авиаэлемтә булганы өчен ил җитәкчелегенә рәхмәт белдерәсем килә. Мәдәният, фән, спорт һәм туризм өлкәсендә дә хезмәттәшлек итү мөһим. Ел саен безнең Татарстан югару уку йортларындаукучы төрекмән студентлары саны арта. Хәзерге вакытта аларда 6 мең 212 кеше исәпләнә. Бу республикада укучы чит ил студентларының дүрттән бере диярлек», — диде Рөстәм Миңнеханов.
Рөстәм Миңнеханов шулай ук Төрекмәнстанның Татарстан Республикасында чит ил студентлары саны буенча беренче урында торуына игътибарны юнәлтте.
«Без Төрекмәнстанда яшәүче татарларга ярдәм күрсәткәне өчен Төрекмәнстанга рәхмәтлебез, якынча 15 мең кеше яши монда. Шулай ук Татарстан Республикасында без төрекмәннәрнең милли-мәдәни автономиясенә зур игътибар бирәбез. Алар бүген үк 3 меңнән артык», — дип ассызыклады Рөстәм Миңнеханов.
Рөстәм Миңнеханов шулай ук Казанда ел саен «KazanSummit. Россия-Ислам дөньясы» икътисадый форумы узуын искәртте.
Ул төрекмән делегациясен «KazanSummit» халыкара форумында катнашырга чакырды. Россия — Ислам дөньясы» күргәзмәсендә катнашу, шулай ук республикада уза торган башка чараларда катнашу өчен дә.
Соңыннан Рөстәм Миңнеханов бүгенге Төрекмән-Россия бизнес-форумында катнашучыларга Россия-Төркмәнстан мөнәсәбәтләрен ныгытуга уңышлар теләде.
