Рөстәм Миңнеханов Россия Федерациясенең Беларусь Республикасындагы Гадәттән тыш һәм Тулы вәкаләтле Илчесе Борис Грызлов белән очрашты. Рөстәм Миңнеханов эш визиты белән Минскида.
Россия һәм Белоруссия хезмәттәшлеге ачыклык, тигезлек һәм үзара хөрмәт принципларында үсеш алуын дәвам итә, ә үзара хезмәттәшлек һәм интеграция процесслары җитдирәк була. Минскида Россия илчесе буларак сезнең хезмәтегез зур. Татарстан белән Белоруссия арасындагы хезмәттәшлекне үстерү шулай ук Россия-Белоруссия мөнәсәбәтләрен ныгытуга ярдәм итәр дип өметләнәбез», — дип билгеләп үтте Рөстәм Миңнеханов.
Үз чиратында Борис Грызлов Рөстәм Миңнехановка шундый вәкиллекле делегациянең илчелеккә визиты өчен рәхмәт белдерде. «Сезне безнең илчелектә кабул итү бик күңелле. Россия Федерациясе субъектлары Белоруссиягә актив киләләр. Сезнең делегация бик вәкиллекле составта. Мин хезмәттәшләремнең актив эшләргә өлгергәнен ишеттем. Казанга сәфәрләремне җылы искә алам. Минтимер Шәриповичка иң яхшы теләкләремне җиткерүегезне сорыйм», — диде Борис Грызлов.
Рөстәм Миңнеханов искәрткәнчә, Беларусь соңгы елларда Татарстанның тышкы сәүдә партнерлары арасында тотрыклы рәвештә лидерлар рәтенә керә. Шуңа да карамастан, күләмнең потенциалы күпкә югарырак, шуңа күрә Татарстан делегациясенең бу визиты сәүдәне арттыру өчен оештырылган.
Искәртеп узабыз, Россиянең Беларусь Республикасындагы илчелегендә делегацияләрне кабул итү залында Россиянең төп истәлекле урыннары, шул исәптән Кул-Шәриф мәчете, мозаикалар белән ясалган.
Очрашу тәмамланганнан соң Рөстәм Миңнеханов Минскида Җиңү монументына чәчәкләр салды.
