1 майдан Россиядә кайбер кешеләрнең пенсияләре артачак. Бу хакта «Прайм» агентлыгы белән әңгәмәсендә Г.В. Плеханов исемендәге РЭА дәүләт һәм муниципаль финанслар кафедрасы профессоры Юлия Финогенова сөйләде.
«1 майга 80 яшь тулган гражданнар өчен картлык буенча иминият пенсиясенә фиксацияләнгән түләү күләме ике тапкыр артачак һәм аена 15 134 сум тәшкил итәчәк», — дигән ул.
Моннан тыш, пенсиягә өстәмә түләүне граждан авиациясе очу экипажлары белгечләренә һәм күмер сәнәгате хезмәткәрләренә арттырачаклар. Бу карар зарарлы, куркыныч һәм авыр хезмәт шартлары белән бәйле. Өстәмә сумма уртача айлык хезмәт хакы һәм стажны исәпкә алып, индивидуаль тәртиптә билгеләнә.
Шулай ук Финогенова Бөек Ватан сугышында Җиңүнең 78 еллыгына ветераннарга ун мең сум түләячәкләр дип белдергән. Бу акчаны Россия, Латвия, Литва һәм Эстониядә даими яшәүче Бөек Ватан сугышында катнашучылар алачак. Мәскәү ветераннарының аерым категорияләренә 25, 15 һәм 10 мең сум күләмендә бер тапкыр бирелә торган матди ярдәм түләнәчәк.
