Татарстан Республикасы икътисад министрының беренче урынбасары Айрат Шәмсиев вазифасыннан киткән. Бу хакта ведомствоның матбугат хезмәте хәбәр итә.
«Киңәйтелгән киңәшмәдә аның үз теләге белән, башка эшкә – Казан илкүләм тикшеренү техник университетына (КНИТУ-КАИ) проректор булып күчүгә бәйле рәвештә китүен әйттеләр», — дип ачыклык керттеләр Татарстан Икътисад министрлыгында.
Айрат Шәмсиев Татарстан Республикасы Икътисад министрлыгында 2007 елдан бирле эшләде. 2010 елда – министры урынбасары, ә 2022 елның августында беренче урынбасар булды.
