1940 елның 27 сентябрендә Татарстанның Буа районы Кыр Тәүгелдесе авылында туа. 1967 елда Казан дәүләт университетының журналистика бүлеген, 1975 елда КПСС Үзәк Комитеты каршындагы югары партия мәктәбен тәмамлый.
1960 елдан – Кама Тамагы районының «Кызыл Байрак» газетасында бүлек мөдире. 1963 елдан – Лениногорск телевидение студиясендә мөхәррир. 1968 елдан – ТАССР Министрлар Советы каршындагы радиотапшырулар һәм телевидение комитетында хатлар бүлеге мөдире. 1969 елдан – «Кызыл таң» (Уфа) газетасында бүлек мөдире. 1973–1996 елларда – «Ватаным Татарстан» газетасында хәбәрче, баш мөхәррир урынбасары, 1990 елдан – баш мөхәррир. 1997 елдан – Татарстан китап нәшриятында директор урынбасары. 1999–2003 елларда – «Татарстан» журналында баш мөхәррир урынбасары, 2005–2007 елларда – «Шәһри Казан» газетасында бүлек мөхәррире.
Татарстан Югары Советы депутаты (1990–1995 еллар). Татарстан Республикасының атказанган мәдәният хезмәткәре.
«Ямьле Болак буенда» (2003), «Җир улы» (2003), «Мәктәбем – гомер учагым» (2004), «Зөя буе – туган җирем» (2005) китаплары авторы.
