Башкортстанның Шаран районы Бурсык авылының мәчетендә матур бәйрәм узган. Аны мәчетнең 10 еллыгына багышлап уздырганнар.
– Мәчетебезгә күрше-тирә авыллардан имам-хатыйплар чакырылган иде. Башта авылыбыз мулласы мәчетнең тарихы белән таныштырды Аннан соң Октябрский шәһәреннән килгән Рөстәм хәзрәт вәгазьләр укыды, – дип хәбәр итә газетабыз дусты Фирдәүсинә апа. – Аннары җыйнаулашып җомга намазы укыдык. Бәрәм чәй табыны артында тәмамланды. Өйдән алып килгән тәмле ризыклар белән сыйландык. Мондый бәйрәмне уздырган авылдашларыма зур рәхмәт. Киләчәктә дә матур очрашулар күп булсын!
