2024 елда «Тантана» республика театр премиясе Буа дәүләт драма театрының яңа бинасы сәхнәсеннән тапшырылачак. Бу хакта Татарстанның Театр әһелләре берлеге рәисе урынбасары Эльмира Фәтхуллина «Татар-информ» мәгълүмат агентлыгында узган матбугат очрашуында сөйләде.
«Тантана» республика премиясе Халыкара театр көнендә — 27 мартта тапшырыла. Барысы – 17 номинация, аларның 12се – шәхси. Премиянең күләме — 100 мең сум. шулай ук махсус номинацияләр дә бар. «Тантана» республика театр премиясе — театр сәнгате өлкәсендә бирелә торган һөнәри премия. Еллык театр премиясе республиканың опера һәм балет, драма һәм курчак театрлары хезмәткәрләренә театр сәнгатендәге иҗади һәм иҗтимагый казанышлары өчен бирелә.2011 елда ТР Мәдәният министрлыгы тарафыннан гамәлгә куелды
Телеграмда безнең каналга кушылыгыз: https://t.me/vatantat