Псков өлкәсендә экскурсиягә баручы 15-16 яшьлек балалар утырган автобус юл һәлакәтенә очраган. 17 кеше зыян күргән, аларның 13е – балалар, дип хәбәр итә РИА Новости Россия Гадәттән тыш хәлләр министрлыгына сылтама белән.
Юл һәлакәте Новгородка авылы янында була. Әлегә билгеле булган мәгълүматлар буенча, өлкәннәрдән 4 кеше, балалардан 13 кеше зыян күргән. Берничә кеше хастаханәгә озатылган, калганнарына урында ярдәм күрсәткәннәр.
Әлеге төбәкнең Сәламәтлек саклау комитеты мәгълүматы буенча, ике бала авыр хәлдә. Балалар хастаханәсенә 8 кешене китергәннәр. Озата баручы укытучыларның берсе хастаханәгә эләккән.
Гадәттән тыш хәлләр министрлыгы белешмәсе буенча, автобус йөртүче йөк машинасына бәрелүдән сакланып, юл кырыена төшеп китә. Автобус Пустоши шәһәреннән Псковка барган булган.