Хәзерге вакытта ул Екатеринбург хастаханәсендә реанимациядә ята.
Бу хәл кичә Екатеринбургта Токарьлар урамында килеп чыккан. Бер туташ ниндидер сәбәпләр аркасында күпкатлы йортның 20 нче катындагы балконнан егылып төшкән. Ул могҗиза белән исән калган, дип хәбәр итә “ТАСС”, җирле Сәламәтлек саклау министрлыгы мәгълүматларына таянып.
Зыян күрүчене хастаханәгә озатканнар. Ул бик нык җәрәхәтләнгән. Хәзерге вакытта реанимациядә ята. Медиклар әйтүенчә, туташ авыр хәлдә.
Килеп туган хәлнең сәбәпләре әлегә мәгълүм түгел. Җирле Эчке эшләр министрлыгы идарәсе дә агентлык хәбәрчесенә бу җәһәттән аңлатма бирүдән баш тарткан.
