Татарстанда министрларның ике яңа урынбасары барлыкка килде. Тиешле белдерүләрне ведомстволарның матбугат хезмәтләрендә ясадылар.
Шулай итеп, Татарстан сәнәгать һәм сәүдә министры урынбасары урынын Дмитрий Гуськов алды. Ведомство вәкилләре мәгълүматлары буенча, постта ул нефть химиясе һәм нефть-газ тармакларын контрольдә тоту белән шөгыльләнәчәк.
Үзгәрешләр республиканың цифрлы үсеш, дәүләт идарәсе, мәгълүмати технологияләр һәм элемтә министрлыгында да булды. Ведомство җитәкчесе Айрат Хәйруллин яңа урынбасары Булат Габдрахманов булуын белдерде.
