Казанда Муса Җәлил исемендәге Татар академия дәүләт опера һәм балет театры «Турандот» операсын күрсәтүне гамәлдән чыгарды. Сәбәбе — су басу. Күрсәтмә Ф.И. Шаляпин исемендәге Халыкара опера фестивале кысаларында узарга тиеш иде.
Татарстан Мәдәният министрлыгында хәбәр итүләренчә, су басуның сәбәбе инде бетерелә.
«Якын арада хезмәттәшләр китерелгән зыянны һәм су басу нәтиҗәләрен тулысынча торгызу өчен кирәкле вакытны бәяләячәк», — дип ачыклык керттеләр ведомствода.
Мәдәният министрлыгы вәкиле аерым билгеләп үткәнчә, өзелгән операга билетларны сатып алу урыны буенча кайтарырга мөмкин булачак.
