Ел башыннан бирле республикада 549 юл фажигасендә теркәлгән, аларда 63 кешенең гомере өзелгән. Бу хакта «Татар-информ» агентлыгында узган матбугат очрашуында Татарстанның Дәүләт автоинспекциясе идарәсе башлыгы Рөстәм Гарипов әйтте.
Узган елның шул ук чоры белән чагыштырганда, аварияләр 43кә кимегән, ә юлда гомере өзелгән кешеләр саны 16га арткан. Аварияләрдә 690 кеше имгәнгән. Монысы 62гә азрак.
Рөстәм Гарипов сүзләренә караганда, 48 кеше машиналар бәрелешү, тагын 15е тапталу аркасында һәлак булган.
