23 декабрь 2025 Яңалыклар

Хәзер электрон студент билетларын МАХ аша күрсәтеп булачак

Дәүләт Думасы цифрлы студент билетларын һәм зачет кенәгәләрен гамәлгә кертү турында закон проектын хуплаган. Алардан МАХ мессенджерында һәм Дәүләт хезмәтләре порталында QR-код аша файдаланып булачак. Бу хакта “Коммерсантъ” яза.

Электрон документлар, кәгазьдәгесе кебек үк, үзләренә тиешле “вазыйфаны” үтәячәк: алардан QR-код ярдәмендә уку йортлары бинасына керү өчен, билгеләрне карау, шулай ук, мәсәлән, ташламалы “проездной” сатып алу өчен файдаланырга мөмкин.
Законда шулай ук бу документлардагы мәгълүматларны дәүләт йомгаклау аттестациясе федераль мәгълүмат системасына мәҗбүри кертү күздә тотылган. Әмма оборона һәм ил иминлегенә бәйле вузларда белем алучылар фәкать кәгазь документларга гына ия булачак.

Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"