Казанда 11 яшьлек кызны бәрдереп, авария урыныннан качып киткән шоферны эзлиләр. Бу хакта шәһәр дәүләт автоинспекциясеннән хәбәр иттеләр.
Бу хәл 3 август көнне 9.30 да Королев урамындагы 47 нче йорт каршында була. Ведомство мәгълүматларына караганда, мәктәп укучысы тиешле булмаган урында юл аркылы чыккан. Машина йөртүче һәлакәт урыныннан качып китә, ә зыян күрүче терсәген имгәтә.
Казан шәһәре Дәүләт автоинспекциясе, әлеге юл һәлакәтен күрүчеләр булса, (843) 5-333-819, 5-333-848 телефоннары аша хәбәр итүләрен сорый.
