Казанда сугышта һәлак булганнарны бер минут тынлык белән искә алдылар

Казанның Җиңү паркында Хәтер һәм кайгы көнендә Бөек Ватан сугышында һәлак булганнарны бер минут тынлык белән искә алдылар, Мәңгелек утка чәчәкләр салдылар.
– Татарстанда һәм илдә яшәгән һәр кешенең Бөек Ватан сугышы башланган көн белән бәйле үз хисләре бар. Бары тик бердәм көч белән һәм бергәләп кенә теләсә нинди бәла-каза һәм кайгы-хәсрәткә каршы торып булганын һәммәбез дә аңлый. Хәтта бүгенге бик үк әйбәт булмаган санитар-эпидемиологик шартларда да без бергә. Бу чараларга карата куелган барлык таләпләрне үтәп, без сугыш елларында һәм соңыннан вафат булганнарны искә алабыз, – диде Татарстан Премьер-министры урынбасары Ләйлә Фазлыева.