Чаллы янында ир-ат дуслары белән утырганнан соң, Чулман елгасының бер ярыннан икенче ярына йөзеп чыгарга теләгән һәм батып үлгән, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте.
Бүген 16.37 сәгатьтә ашыгыч хезмәтнең 112 бердәм номерына республиканың Тукай районында «Салават күпере» ял базасы янында Чулман елгасында ир-ат батуы турында хәбәр килгән.
Ачыкланганча, 29 яшьлек ир-ат дуслары белән яр буенда ял иткән. Берникадәр вакыттан ул бер ярдан икенчесенә йөзеп чыгарга булган, әмма хәле бетеп, батып үлгән.
Зыян күрүчене фаҗига шаһитлары аңсыз килеш ярга алып чыккан һәм беренче ярдәм күрсәткән, әмма нәтиҗә булмаган.
![08D2025A-93D4-4CD7-8E31-C6C4CDFC7C6E[1]](https://vatantat.ru/wp-content/uploads/2020/07/08d2025a-93d4-4cd7-8e31-c6c4cdfc7c6e1-150x150.jpeg "Татарстанда машина текә ярдан елгага төшеп киткән")
