Түбән Кама чаңгычысы Алия Иксанова чаңгы узышлары буенча Россия Кубогының өченче этабында тагын бер җиңү яулады. Татарстан спортчысы ирекле стиль белән 10 чакрымга ярышта (персьют) финишка беренче булып килде.
Кирово-Чепецк каласында узган ярышта Алия дистанцияне 32 минут 11,8 секунд эчендә узды. Бу – Иксанованың Кубок этабында икенче уңышы. Моңа кадәр ул классик стиль белән 10 чакрымлы дистанциядә беренче булган иде. классик стиль белән иң яхшысы иде.
Әлеге ярышта Татарстаннан Лариса Рясина – сигезенче, Анастасия Доценко тугызынчы урынны алды.
Ир-егетләр арасында ирекле стиль белән 15 чакрым арага узышуда Артем Николаев – бишенче, Андрей Филлер сигезенче урынны алды.
