Балаларның кышкы каникулының бер көнендә шәһәрдән ерак булмаган ял базасында гаилә белән ял итү көне уздыру мәхәлләдә матур традициягә әйләнде. Анда төрле күңелле старт, ярышлар, уеннар оештырыла. Вакыты кергәч, бергә намаз укыйлар. Махсус билгеләнгән урында шашлык пешә, чәй кайный. Көн дәвамына балаларның шат авазы яңгырап тора дип хәбәр итә Түбән Камадагы коллегабыз.
