Татар эстрадасында 2005 нче елларда танылу казанган җырчы Индива бәби алып кайтучы турында хәбәр итте. Бу хакта ул инстаграм аккаунтында язды: «1 феварльдә безнең гаилә ишәйде. Безнең улыбыз туды. Мин әни булдым. Без бик бәхетле» дип яза ул.
Күпләр Индиваны Әлфинә Әзһәмова килене, кемдер кызы дип тә сөйләде. Татар эстрадасыннан югалып торгач, аерылып, Мәскәүгә киткән икән дигән гайбәтләр дә таралды. Чынлыкта исә җырчы Мәскәүгә ГИТИСка укырга киткән иде.
Ире белән Индива 2011 нче елда таныша. Марсель — хореограф-сәхнәләштерүче, “Сәйдәш” бию театрының элекке биючесе. Алар бергә Әлфинә Әзһәмованың төркемендә эшләгәннәр. Туйны узган җәйдә уздыралар. Хәзер яшьләр Татарстанда яши.
