Татарстанда ташламалы ипотека кредиты программасы белән кызыксыну арта. 2021 ел башыннан Росреестр тарафыннан 746 ташламалы ипотека теркәлгән. Программа барышында (2020 елның апреленнән) 7 444 ташламалы ипотека теркәлгән.
Аларның саны буенча Казан (5342) һәм Яр Чаллы (1376) лидерлар рәтендә. Алга таба Яшел Үзән(209), Әлмәт (202) һәм Лаеш (95) районнары бара. Исегезгә төшерәбез, еллык 6,5% белән ташламалы ипотека 2021 елның 1 июленә кадәр дәвам итә.
Шулай ук авыл ипотекасына да ихтыяҗ саклана. Ел башында республикада 162 шундый ипотека теркәлгән, аның гамәлдә булган чорында – 1370. Татарстанлылар ешрак әзер торак сатып ала һәм беренчел торакны күпкә сирәгрәк ала икән.
