Узган ел Татарстан сәнәгать предприятиеләре хезмәткәрләре арасында иң аз хезмәт хакын тегүчеләр һәм күн товарлар җитештерү тармагында эшләүчеләр алган.
Аларның уртача хезмәт хакы – 16,9 һәм 20,6 мең сум. Шулай ук мебель җитештерә торган оешмаларда эшләүчеләрнең дә уртача хезмәт хаклары зур түгел: 21,9 мең сум. Ә менә кокс һәм нефть продукты җитештерүдә эшләүчеләр уртача — 67, 8 мең сум, файдалы казылмалар алуда – 60,2 мең сум, химик матдәләр һәм химия продуктлары җитештерүчеләр 58,6 мең сум акча ала икән.
