Көчле шәхес артында көчле хатын-кыз тора. “Бөекләр эзеннән” сәхифәсе уңаеннан Фәнис Яруллин яшәгән фатирга аяк баскач, без моңа тагын бер мәртәбә инандык. Нурсөя апа хәзер Фәнис абый иҗатын саклаучы, халыкка җиткерүче дә. Хәер, ул гына түгел, туганы – Сәүия Хәкимова да шул юлда.
Фәнис Яруллин иҗаты күпкырлы. Без бу юлы аның прозасында үзенчәлекле урын алып торган “Яралы язмышлар” дилогиясенә тукталдык.
