Алда – ун көн ял. Бәйрәмле ялларны ничек уздырырга җыенасыз? Газета укучыларыбызга шул сорауны бирдек.
Илшат Идиатуллин, тракторчы, Балтач районы:
– Авылда бәйрәмнәр юк инде ул. Фермада терлекләргә сенаж-силос салам. Төшке ашка кайткан арада яки кичен йорт эшләрендә кайнашабыз. Бакча юеш әле, җыештыру эшләренә иртәрәк. Баздан бәрәңгене чыгарасы булыр. Шашлыкны бәйрәмгә карап пешермибез. Ураза вакытында шашлык исе чыгару бик килешеп бетмәс, дип уйлыйм.
