Singapore Airlines трансконтиненталь лайнеры бортпроводникта булган инсульт аркасында Мәскәүнең Домодедово аэропортында утырырга мәҗбүр булган. Бу хакта якшәмбе, 4 июльдә, «Интерфакс» мәгълүмат агентлыгы хәбәр итә.
Airbus A-350 Копенгагеннан Сингапурга рейс башкарган, дип төгәлләштерелә. Лайнер Россиянең һава киңлеген транзит белән очып узарга тиеш була. Әмма судно командиры диспетчерларга экипаж әгъзаларының берсенең хәле начар булуы турында хәбәр итә, һәм алар аңа курсны үзгәртергә һәм самолетны Мәскәүдә утыртырга тәкъдим итәләр.
Нәтиҗәдә, лайнер Домодедовога төшә, анда стюардны реаниматологлар бригадасы көтә. Табиблар аңа инсульт диагнозын куйган һәм хастаханәгә озаткан.
