Россия Президенты Владимир Путин җырчы һәм актриса Наталия Орейрога һәм аның улына Россия гражданлыгы биргән. Дәүләт башлыгының тиешле указы дүшәмбе көнне рәсми порталда басылып чыкты.
«1977 елның 19 маенда Уругвайда туган Наталия Мариса Орейро Иглесиаска һәм аның улы — 2012 елның 26 гыйнварында Аргентинада туган Мольо Орейро Мерлин Атауальпага Россия гражданлыгы бирергә», — диелгән документта.
2020 елның июнендә Наталия Орейро ТАССка биргән интервьюсында Россия гражданлыгын рәсмиләштерергә җыенуы һәм ул вакытта документлар тапшыруы турында әйткән иде.
