Россиядә Covid-19 коронавирусын дәвалау өчен туры йогынтысы булган инъекция рәвешендәге «Арепливир» (фавипиравир) дигән беренче препарат теркәлгән. 2021 елның ахырына кадәр ул стационарларга кайтарыла башлаячак.
«Промомед» дәүләт корпорациясе үзенең эшләнмәләре белән Россия сәламәтлек саклау өлкәсенең Covid-19 инфекциясеннән дәвалау өчен хастаханә чараларына ихтыяҗын канәгатьләндерде», — дип хәбәр итә ТАСС «Промомед» корпорациясенең матбугат хезмәтенә сылтама белән.
«2021 елның декабрендә «Биохимик» АҖ базасында препаратны тулы күләмле җитештерү өчен производство ачарга һәм аны илнең дәвалау учреждениеләренә җибәрә башларга җыеналар. Шул ук вакытта «Промомед»та белдерүләренчә, компания дөньяда беренче булып фавипиравирның инъекция рәвешендәге формасын (субстанция эреми торган порошок булса да) ясый алган.
Хастаханәдә пациентларны дәвалау өчен нәтиҗәлерәк булган рекомендацияләргә дарулардан соң, «Арепливир»ның инъекция формасы да керер, дип планлаштырыла. Россия Сәламәтлек саклау министрлыгы соңгы карарны коронавирусны профилактикалау, диагностикалау һәм дәвалау буенча вакытлыча методик рекомендацияләрне чираттагы тапкыр яңадан караганда кабул итәчәк.
