Татарстанда һава шартлары начарлана. 8 декабрьдә төнлә һәм көндез көчле җил, бозлы яңгыр һәм буран вакытында күз күреме начарлануы көтелә.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, шулай ук республикада бозлавык, юлларда кар көртләре барлыкка килә. Җил секундына 15-17 метрга кадәр көчәя, буран вакытында күз күреме 1000 метрга кадәр начарланырга мөмкин.
Төнлә һава температурасы -7..-12 градус, ә урыны белән -13..-18 градус булуы көтелә. Иртән -2..-7 градуска кадәр җылытачак, көндез һава температурасы -4..+1 градуска кадәр күтәреләчәк.
