Татарстанда коронавируска каршы күмәк иммунитет күрсәткече 72 процентка җиткән. Бу хакта «Бердәм Россия» партиясенең Татарстандагы төбәк иҗтимагый кабул итү бүлегенең «Инстаграм»дагы «туры эфир»ы барышында Роспотребнадзорның Татарстан буенча идарәсе башлыгы Марина Патяшина хәбәр итте.
Аның сүзләренчә, 80 процентка да күп калмады. Моның өчен тагы 300 меңләп татарстанлы вакцина ясатырга тиеш.
8 декабрьгә караган мәгълүмат буенча, Татарстанда 2 141 824 кеше прививка кадаткан, шуларның 1 654 785е вакцинаның икенче компонентын алган.
